Sa pagtapon ng basura ay mayroong kaibahan sa bawat siyudad at bayan. Tatalakayin dito ay yung kagaya sa patakaran ng Fuijimi-shi. Para sa detalye ng pagtapon ng basura, maari lamang na alamin ayon sa taunang kalendaryo na itinalaga ng (Fujimi-shi, Fujimino-shi , at Miyoshi-machi.)

Maari lamang bigyan ng tamang atensyon ang mga sumusunod:

• Ang tamang paghiwa-hiwalay ng basura at ang araw ng koleksyon ay may iskedyul sa mga area o distrito. Ilagay ang mga basura sa plastik na nakikita ang loob o translucent bag at ilabas sa mga nakatalagang lugar ng 8:30am (sa Fujimi-shi), 8:00am (sa Fujimino-shi at Miyoshi-machi) sa araw ng koleksyon.
• Mga basurang pambahay ay hindi kokolektahin at ito ay iiwanan kung hindi ipaghiwa-hiwalay ng ayon sa designasyon at hindi inilabas ng tama sa oras. Tuparin natin ang panuntunan.
• Pinagbabawal din ang pagkuha ng mga binasurang bagay na maari pang i “recycle” mula sa lugar ng tapunan. Ang pagkuha ng itinapong basura ay isang krimen o gawaing labag sa batas.

6-1 Paghihiwalay ng basura – mga nasusunog na basura (basurang maaring sunugin)

Basura mula sa kusina, basurang gawa sa goma, mga sanga at dahon, paper diapers (alisin ang dumi at i-flush sa toilet) at iba pa. Tanggalin ang tubig sa basura mula sa kusina bago ito itapon. Ilagay ito sa plastic bag.

6-2 Paghihiwalay ng basura – recyclable plastics

Mga lalagyan na gawa sa plastik para sa mga pagkain at iba pang gamit sa pang-araw-araw.

• Fujimi-shi : green na net

• Fujimino-shi, Miyoshi-machi: transparent o semi-transparent plastic bag

*Ang mga araw ng koleksyon ay iba para sa sumusunod na dalawang uri sa Fujimino-shi at Miyoshi-machi.

• Mga plastik na pambalot at iba pang kasing-uri: Mga produktong plastik na may marka sa kanan
• Iba pang mga plastik kaysa sa mga pambalot : Mga produktong plastik na walang marka”

6-3 Paghihiwalay ng basura – hindi nasusunog na basura (basurang hindi sinusunog)

Mga gamit na gawa sa ceramic, mga tasa at baso, salamin, aluminum foil, at maliit na mga kagamitang de-kuryente at iba pa.

• Fujimi-shi : Ilagay ang mga hindi sinusunog na basura sa kulay berde na lalagyan.
• Fujimino-shi, Miyoshi-machi: Ilagay ang mga lata na hindi lagayan ng mga inumin sa transparent o semi-transparent plastic bag. Ang mga palayok, salamin, kutsilyo, atbp. ay ilagay din sa transparent o semi-transparent na plastic bag at lagyan ng marka na “Mapanganib”.

6-4 Paghihiwalay ng basura – mga delikadong basura

Mga lighter, mercury thermometer, mercury body thermometer, at mobile na baterya, at iba pa.

• Fujimi-shi: Ilagay sa mga itinalagang lalagyan para sa mga mapanganib na basura. Ang mga fluorescent tube at bumbilya ay dapat ilagay sa orihinal na pakete na pinaglagyan, o kung wala, ilagay sa isang supot at ilagay sa tabi ng lalagyan ng bote.
• Fujimino-shi at Miyoshi-machi: Ilagay ang mga dry cell na batery at mga mobile na batery sa nakatalagang supot para sa mga gamit na batteries (Fujimino-shi: kulay-orange, Miyoshi-machi: kulay-yellow) o sa isang malinaw o translucent na supot na may malinaw na markang “Delikado”. Ilagay ang mga fluorescent tube, bumbilya, lighter sa isang malinaw o translucent na supot.

6-5 Paghihiwalay ng basura – basurang maaring i-recycle

Mga diyaryo, flyers, magazines, libro, karton, paper packs, iba pang mga papel at tela ay bigkisin o talian. Mga lata, bote, PET bottles, at iba pang kagayang uri: alisin ang takip ng plastic bottles at bote. (mga takip na gawa sa metal ay isama sa hindi nasusunog na basura at mga takip na gawa sa plastic ay isama sa nare-recycle na plastics).

• Fujimi-shi: Ilagay ang mga PET bottle sa nakatalagang mesh bag, ang mga lata at bote sa kani-kanilang itinalagang lalagyang container.
• Fujimino-shi, Miyoshi-machi: Ilagay ang mga PET bottle at mga lata ng inumin sa itinalagang mga net na lalagyan. Ang mga bote ay dapat pagbukud-bukurin ayon sa kung may kulay o malinaw/puti, at ilagay sa isang transparent o semi-transparent na plastic bag bago itapon.

6-6 Paghihiwalay ng basura – malalaking basura

Nalalapat ito sa mga item gaya ng muwebles at electrical appliances (hindi kasama ang apat na item na tinukoy ng Home Appliance Recycling Law at mga computer), futon, bisikleta, video deck, at two-burner gas range na itinatapon sa bahay.

• Fujimi-shi: Mag-apply sa pamamagitan ng telepono o iba pang paraan. (Karaniwan ay tumatagal ng mga 1 hanggang 2 linggo bago makolekta.) May bayad ang pagkolekta.
• Fujimino-shi at Miyoshi-machi: Ang sumusunod na mga kagamitan ibabasura ay may bayad. Bayaran ang disposal ticket at idikit ito sa malaking basura bago dalhin sa itinalagang lugar ng kolektahan ng basura.
  • Mga may bayad na basura: spring mattress, folding bed, massage chair, seat cushions, sofa, organ, digital piano, electric fitness equipment, car carrier box, bisikleta, tatami mat.

6-7 Mga basura na hindi kinukolekta ng siyudad

Ang ilang uri ng mga basura ay hindi maaaring ilagay sa mga lugar ng koleksyon. Kabilang dito ang mga bagay na mahirap iproseso, tulad ng mga gulong, bathtub, fire extinguisher, motorsiklo, mga bloke ng konkreto. Ang mga bagay na napapailalim sa Batas sa Pag-recycle ng Kagamitan sa Bahay (mga refrigerator/freezer, air conditioner/outdoor unit, telebisyon (CRT, plasma, LCD, OLED), washing machine/clothes dryer) at mga personal na computer ay hindi maaaring kolektahin ng lungsod o bayan.

Kapag may maramihang itatapong basura gawa ng paglilipat, hindi ito maaaring ilagay ng minsanan sa kolektahan ng basura. Maaaring direktang dalhin sa Environmental Center o makipag-ugnayan sa sumusunod na mga tanggapan.

[Katanungan]

• Fujimi-shi Kankyou-ka : tel.049-252-7100 (direct line)
• Fujimino-shi Kankyou-ka Haikibutsu Taisaku-kakari : tel.049-262-9022
• Miyoshi-machi Kankyo-ka Kankyou Taisaku-tanto : tel.049-258-0019