Ang rehistrasyon ng pamilya o kosekitohon ay nagpapakita ng talaan ng panganganak, pagkamatay, kasalan at iba pang impormasyon.
Ayon sa batas ng rehistrasyon ng pamilya, kailangang ipaalam ng mga dayuhang residente ang mga naganap na kasalan, pagbubuntis at panganganak sa city hall.
2-1 Rehistrasyon ng Panganganak
- Mag-aply sa loob ng 14 na araw mula sa araw na ipinanganak ang sanggol ( kung ang batang anak ng isang Hapon ay ipinanganak sa ibang bansa, sa loob ng 3 buwan).
- Ang aplikante ay ang ama o ina ng sanggol.
- Ang aplikante ay kailangang tukuyin ang lugar ng panganganak, kasalukuyang tirahan o permanenteng tirahan ng asawang Hapones.
- Mga kailangang dokumento:
- Birth registration form (may birth certificate) (na may Japanese translation kung ang birth certificate ay nakasulat sa banyagang wika)
- Pasaporte at sertipiko ng kasal ng mga dayuhang magulang kung sila ay dayuhan.
- Maternal at child health handbook
2-2 Notifikasyon ng pagkamatay
Ang notifikasyon ng pagkamatay ay kailangang gawin.
- Ang aplikasyon ay dapat isumite sa loob ng 7 araw matapos makumpirma ang pagyao ng miyembro ng pamilya.
- Ang aplikante ay kailangang kamag-anak, kasama sa bahay, may ari ng lupang tinitirhan o tagapag-alaga ng yumao, tagalingap o legal na tagapangalaga, tulad ng pinagkatiwalaan tagapangalaga.
- Pagsusumite ng notipikasyon: address ng taong nagsusumite ng notipikasyon, ang rehistradong tirahan ng asawang Hapon, o ang lunsod o lugar ng kamatayan.
- Mga kailangang dokumento:
- Death registration form at death certificate
2-3 Rehistrasyon ng Pagpapakasal
Ang mga sumusunod ay kailangan para sa rehistrasyon sa pagpapakasal.
- Rehistrasyon ng kasal (pagpipirma ng mga ikakasal at 2 saksi na nasa hustong gulang ay kailangan).
- Sertipiko ng Legal capacity to contract marriage (na ini-isyu ng pamahalaan ng bansang pinagmulan, lokal na pamahalaan, o banyagang embahada sa Japan) (na may pagsasalin sa Japanese)
- Sertipiko ng kapanganakan (nakasalin sa Nihongo).
- Passport (may nakasaling kopya sa Nihongo).
- Iba pang mga kailangang dokumento.
* Para sa mga dayuhang mamamayan, ang mga dokumento sa itaas ay maaaring mag-iba depende sa batas ng bansa o personal na sitwasyon. Mangyaring makipag-ugnayan sa amin para sa karagdagang impormasyon.
2-4 Rehistrasyon ng Paghihiwalay o Diborsyo
Ang mga sumusunod ay kailangan para sa rehistrasyon ng diborsyo o paghihiwalay.
- Paunawa sa diborsyo (pirma ng mga nag-apila para sa diborsyo at 2 saksing nasa hustong gulang ay kailangan)
- Kung ang asawa ay Japanese, ang resident record ng Japanese na asawa ay kinakailangan (kung ang Japanese na asawa ay wala sa Japan, ang resident record ng dayuhang asawa na kinabibilangan ng status of residence at period of stay ay kinakailangan)
- Dokumento upang makilala (driver’s license, passport, etc. )
* Kung ang dalawa ay parehong banyaga, kailangang magsadya sila sa kani-kanilang mga embahada o konsulado.
[Katanungan]
- Fujimi-shi Shimin-ka Koseki-kakari：tel.049-252-7111
- Fujimino-shi Shimin-ka Koseki-kakari：tel.049-262-9019
- Miyoshi-machi Jumin-ka Jumin-tanto：tel.049-258-0019
2-5 Naturalisasyon
Upang makatanggap ng naturalisasyon bilang Hapones, kailangang mag-apply at kumuha ng permiso sa Ministro ng Hustisya. At pagkatapos, dalhin ito sa city hall.
Ang mga dokumento na kinakailangan para sa pagparehistro para sa naturalization.
- Naturalization registration form (kung ikaw ay asawa ng isang Hapon, ang kanyang pirma ay kailangan.)
- Ang inyong identification card (ipinagkaloob ng “District Legal Affairs Bureau”)
* Ang pag-proseso at pagpapaliwanag para sa aplikasyon sa naturalisasyon ay hindi ginagawa sa village/town/city halls. Sa mga katanungan, makipag-ugnayan sa District Legal Affairs Bureau.
[Katanungan]
- Saitama District Legal Affairs Bureau Koseki-ka : tel.048-851-1000